THINEEMA CIITU NO NJEGA

THINEEMA CIITU NO NJEGA
Ihinda ria miaka ta ikumi mihituku, nikugite na ugaruruku thiini wa mithako ya ngerekano bururi-ini wa Kenya.

Matuku ma hau kabere, andiki a mathako maya njorua ta Ngugi wa Thiong’o na Wahome Mutahi na angi aingi,nimaakoretwo mageretie gukuria ruhonge ruuru rwa mathaako maya na kumakinyithia kirathi kiaggiriru,

Nikio umuthi uyu turoona TV iria tuonaga ciongererete tabarira cia Kenya na kwambia kurekarekia cia uthungu-ini ona gutuika nocio nyingi. Nikugite na mututhuko wa mithaako ya bata muno kuuma gicigo gia bururi wa Nigeria, thinema ciao ciukaine ta nollywood movies.
Icio ingi ciothe gaturwa kanene ni cia mexico, ta Olividarte Jamas,she wolf,shades of Sin,La tormenta na ingi nyingi ni thinema iria gicigo kinene kiria tukoretwo tukionio bururi-ini uyu witu.

Ona gutuika tabarira ingi ta Tahidi high,Mother-in-Law,Churchill show,Vioja mahakamani,Mheshimiwa,Gag Battle nicioete ikinya na kwinyitukiria kirindi kiega hari ona mwanya mutigaru thiini wa guteithia aria mari kiwanja ini giki gia mithaako ya ngerekano.

Thirikari niirigite kuruta mwerekera kuri ceceni cia TV, ciongerere gicuunji gia tabarira cia Kenya nginya hari gicuunnji kia 40% ikinya riria ritari riragaciira ona kwa ndagiika ino.

Itua riiri no riteithie atabariri,andiki a mithaako ino oro hamwe na athaaki o enyewe nah aha hatiri nganja ati mawira nomongerereke. Tabariria imwe ni ikoragwo na uhoti wa kwandika andu matanyihiire 50 kwambia tabarira ya mbere nginya ya 13 iria ciendekaga ni ceceni ya TV. Tabarira ici ikumi na ithatu nicio ciukaine ta Season.

Atongoria aitu nimagiriirwo ni kuoya kamweke gaaka na mateithie athaaki a mathaako maya, na njira ino ni njira ingirehe mawira na yeherie andu eethi kuumana na mitego ya ukora, uhuthiri wa indu cia guthukia mwiri na ikurie unduire.

Nacio ceceni cia TV ciagiriiruo nigutuhe rugano turakuruhana naruo weega, handu ha tuone andu ta Alehandro,Paloma,pedro tuone rugano rwina Mwangi,Munyao,Karimi na ningi handu ha mabarathi tuone bunda,Ngombe cia sagana igucitie migogoteni,Matatu cia Murang’a na Nyeri.

Ona ungiona tabarira irakuonia handu hakuhi na kwanyu ri? Nu ungithuura kurumirira tabarira tai no?

Njuragia ngiyonera rii tabarira ya TV ina rugano rwa wendo hugururuini cia rui kuundu kuhande macani ta Gatanga, kana Rungu rwa miembe kuria Kambiti.kana irima-ini cia Kirinyaga na Nyandarua?

Sam Mutonya,
Producer,
Unclesamz productions House.