INA WINA KIHEO PLEASE!
Aini a thiku ici nimongererekete muno,o muthenya ndwagaga kuona ngari iigiriirwo inanda kuu iguru makiendia nyimbo ciao.ungithiururuka matuka,ndungiaga nyimbo cikiendio o ikinya wathii.

Kuina ni kwega muno wa mbere nikuninaga stress, ungiigua umboekete,uririkane karwimbo kega wuine,wuiguaga wega muno,no uhuhe miruri kana uine utumitie kanua,bata ni uramenya uria gatwaranaga.

Wa keri,muini uria urakuinira niwuiguaga agigucanjamura,akorwo niainite wega, kwoguo wuini wi miena iiri, muini na muinirwo. Ni wa mbere niwega kwaria ma ndigecambithie nii nyendaga kuinirwo,tondu kuina nditihagia,ndiri kiheo-

Kiheo nikio nongoreirie,ati kamuira uthii studio guthondeka rwimbo,itikira niuri kiheo na niukirutithagia wira. Umuthi uyu ndungithii micii itano utakorete mundu wuinaga a niwega uguo,no riri andu aria maraina umuthi ti othe me kiheo, kaba kwaria ma!aingi maraina tondu nimarenda gutonga.

Hihi gutingiaga namba iinaga niguo igie igweta no ndiri mugambo mwega, tariu ni mugambo wakwa wa kuina hatiri ona kanini, hingo imwe nitwathire kuina studio imwe na ciugo ciakwa haria ndekiraga nderagwo itiri na harmony, no gitumi kia nyine nindari na wendo wa kwiyona video ini.

Rwimbo rwitu ona rutiaumire, rwari ruhuriku piu!!ndiri ndageria ringi, riu ni kuri namba ingi ihuana tanii matuku macio, irutaga rwimbo ikahanyuka na ikoywo video. Haha he ugwati, nii ndita muthikiriria, niwega njuge ni kuri andu makoragwo na ciugo njega muno rwimbo-ini, no uria maharagiria na guthondeka rwimbo ruru, rukaga rwi rumboeku piu.

Ingiringithania aini ega na amboeku, niati uini uyu no ta wira o wothe,na kiyo,utuiria,ucori(mwega) ni indo cii bata muno.ndirikanaga rimwe ngimemerekia kameme ini, hagiuka muini umwe na rwimbo ruake rukindakaria muno, wa mbere rwari rumboeku muno uria rwahuritwo na ni rwang’orotga,video ona ndionekaga wega, no kiria kiari kiuru biu ni ciugo
Rwimbo rumwe rwarumite andu oothe mari na murimu wa HIV/AIDS, na makerwo ati ni umaraya utumite!!

Ungi nake twakoranire nake ndainuka gichagi na akinjira niambirie kuina,wa mbere mutamukire wake wa ciugo ndwainiranaga ona hanini,na guthukia muno akinjira araina cia githungu, ndiendaga kuruigua no nianyiniire, rwathire ndagika inyanya,arikia ngimwira ti ruru no no aini cia gikuyu,akiruga na akinjira niandikite,na akiina rwa ndageka ta ikumi uguo!
Ndari aruta na no ethaga mbeca.angi mambagia na kwihumba, ukona mundu niarera tu rasta, ungi atura mindira, ungi ambia ku bounce,na ndari arandika nginya nyimbo ici na guthukia muno ndainaga wega.

Wira uria ndutaga TV ini na miena ingi, ni uhete kamweke ga kuga,mundu muna ndari na kiheo na ng’ania angithomithio hanini no amenye,na uyu ekuo biu,na nikio wonaga nyimbo nyingi itithakagwo kameme-ini kana TV ini, ri kana ri ona mwene aruta album ikumi.

Wuini o ta mathako ma ngerekano niurabatara maundu maingi muno, to mugambo,ta riu kwaria ma,ni kuri andu matheremete na matiri migambo miega, uugi,utuiria na ucori niguo utumite makinya haria mari, kwoguo kuina to kuruta CD na kuoywo video aca, ni kiheo kirabatara kurimirwo,kuhuthirwo wega na guthomithia. Ti nyimbo ciothe njega na tiandu othe me iheo cia kuina, akorwo ndungihota kuina tanii, tiga tu, tuiria kana wi kiheo kingi. Na wa keri tiga kuina niguo wone mbeca na ngumo tu! Aca!

By the way muini uria ndamburite muno Kenya ni Betty Bayo, ni muthaka na niahotaga guikira ciugo ciake muoyo na ha guthungutha ekuo piu,video ciake na ciugo ciake, ndicihitukitie na njira ndaya muno.


Sam Mutonya.