MOOTARO MA BATA.
Ingienda kuigua thaayu wa meciria, ni hari uria njiikaga. Hau gatene ota njamba njithi ndeciragia ku-relax ni kuigua reggae na arata, kana guthii kiharo gia Gatura Primary guthaka Volleyball, na riria Neti yatarukire na mubira ugiturika, twathiaga gukoma kiharo!!
No umuthi macio ndiikaga riu, ha mubira no nyende muno no mathaa na handu ha guthakira ndionaga.Kwoguo uria njikaga ni guthii maguru ndi wiki kana na murata umwe kana eeri.no iguru wa uguo woothe, njeheragira indo inya muturire-ini wakwa;TV,Radio,Ngathiti na Internet kwa ihinda ria matuku ta matatu uguo.
Thiini wa ihinda riiri riothe nihotaga kwaraniria na Andu akwa hamwe na arata hatari guthumburwo ni mathina ma ciaca cia thin a Kenya.thiini wa gwika uu nindikitie kuona ati andu athi twatuire TV,Radio,Ngathiti na Computer arata aitu a giti kia mbere. Na haha to andu eethi mahutitio tu! Aca nginya andu akuru.
Ungibaara hau thuutha-ini riria indo ta TV tutarari nacio na Radio, ngwataniro ya aciari na ciana irakoragwo iri numu makiria ma umuthi, ndirageria kuuga no ukore mwana waku ni hari ihinda utangimwariria niuria akoretwo ari murumiriri wa tabarira ya wendo ithaa ria hwaini-TV-ini, na hiihi ya thira uguo nawe wita muciari ndwendaga guthumburwo riria matangatho ma ikuu marathomwo.
Muthee naake akuhutia gakathiti muthenya wa kiumia hwaini, athomaga nginya turugano twa twana nah au ndungimwenyenyia. Mwanake nake angikorwo nimutanahire na computer kana thimu oina internet niuguo, Facebook na mubiira nocio areciria.
Ti hinya umuthi ugiceera kwa mundu ukore family yoothe ndiraraniria Sunday hwa-ini.o mundu e rwake.Umuthi uyu ungituiria aciari na ciana maranagiria ta ari thimu marahuranira, ii ta credit ikuninuka!!
Njiriga kuona muciari tuhakanite akiariria muruwe uria wekirite headphones matu akiigua rwimbo, na ndagika ta imwe ya mbere mwanake ari na rwimbo matu, agicooka akiona mami wao niaririe muno akiruta kamwe, kuonania kau kangi nogathakaga rwimbo.
Aciari angi mainuka no wuigue ndereti tai no:
Muthuuri:Ningwenda twaririe wanjiru
Mutumia:Thaa ici??reke arikie kuona La Tormenta tumwaririe
Muthuri:Ngwiciragia tumwaririe mbere wa moohoro ma thaa ithatu, no nitukamwariria ruciu.
Ruuru ti rugano, njiriga kwirwo ni muiritu urutaga wira kundu,muiritu wa kuu agiire na nda na akiregwo ni ithe wa mwana, riu aciari nimoonete ari na ugaruruku na makoona ta ari na stress no matiamwaririe, thuutha-ini acokire kuruta nda, tondu aciari matuire mararagiria kumwariria kumuria nikii kiuru.
Nii hakwa ti rita rimwe ndanakorwo na gathiina ngaaga gukora aciari akwa na makandeithiriria.makiria nindirikanaga rimwe nyumite wira handu ndari gwa kahinda karaya uguo ta mieri iiri uguo na riria ndainukire, ndiariganiirwo ni gukuo tuheo twiri, kamugathi na mbete ndwarire kairitu ndeendete kundu gwitagwo kigoro(Ng’ongo ta ithatu kuuma gwitu), riria ndakinyire kuu, ndatwaritwo ni Peter wa Njogu murata wakwa,tugiithie Kigoro nduka-ini na uria muritu andariirie ngiuriria handu saloon ini. Muiritu wa saloon niambire kurigwo kana niekunjira kana niatia na riria akiambirie anjirire ati muiritu ucio ndingimuona kwao tondu akoretwo arega thukuru na akahika, ndaiguire ta ingiringika ona ni Peter wa Njogu waheaga tumai..
Thabari ya gucooka yari nene tondu ndietikagia uria nderirwo na twakinya rui rwitagwo Rwakuru, ngicooka muhuko ngiruta Mbete na Mugathi na ngiciikia rui-Na ngirira muno ngimenya wendo witu wakua uguo-thiini wakwa, otherwise thiini wake nii ndiari ithabuini-ndari expired o riria ndaumire gicagi ngithii ithukuma.
Ndainuka nindaremirwo ni kuria na ngithii tooro,ngietha toro ukiaga,na ngiuma Cube yakwa ngithii kwa maitu, maitu ari toro no baba no TV-onaga,na ndaingira andorire aakimenya he gathina, akihoria TV na akinjira ndimuhingurire ngoro—ngimuhe mathiina makwa moothe oro hamwe na maithoori na thuutha-ini niaheire mootaro.
Ruugano ruuru rwakwa ndirutumagira ngihinyiriria ndeto ya kwaraniria kwega gutagayukanitio ni TV,Radio,Ngathiti na Internet.hihi na maruru makwa ingieciritie thii nganyue njoohi kana baangi, kana thii kwa mwanake ucio ndimuhure makobi na mateke ta Magana matano uguo,kana ona hiihi-(no haha no kuuga tu)-Ndirute muoyo-haiya ti itheru ni kuri andu merutaga muoyo ni kaundu ta gaaka.
No niundu wa kwaraniria na muciari, nindahorerire weega tondu ona murata wakwa ti Peter wa Njogu niatire riithori ona ndeto-ino.Umuthi uyu riria ndeanerie indo ici inya, ngathiti, Radio,TV na Internet ninjaragia na arata na ndungitikia ingikwira,arata twaragia nao, nindi mananjira makoragwo mari HIV+ na ngamahe mootaro na magakinyukia weega,Ungi muiritu akihe thiiri uria muciari wake ageragia kumwatwarithia kuruta nda kia hinya, no kwa munyaka twi hamwe na arata angi tugiteithia muiritu uyu na akigia kana.
Umwe ndaremirwo guteithia ni mwanake wokire na akinjira ati baba ari mna mutumia ungi kambi, na ati noowe woi,riu anjuragia uria angiika, ni ngimwira ndakeere mami wao tondu niari thiina wa ngoro-Pressure!
Ndereti ya mucii ingicooka, aciari na ciana nitukuhota gutereta na guteithania. Itikirai tukare ta tene, riria mutumia oyaga mwari makiruga na akamutaara, kana uria muthuuri oyaga ihii ciake na gucihe mootaro…mootaro maria ciana irabatara ti ma TV,Ngathiti,Radio kana Internet-Ni ma muciari.